Add Poetry

یاد آتی ہے تیری تو آتی ہی چلی جاتی ہے

Poet: عبدالحفیظ اثر By: عبدالحفیظ اثر, Mumbai, India

یاد آتی ہے تیری تو آتی ہی چلی جاتی ہے
دل کو ہر لمحہ بس یوں ہی تو تڑپاتی ہے

تجھ بن دل سُونا سُونا سا لگتا ہے
جیسے کوئی وحشت رونما ہوجاتی ہے

تیرا ہر ستم سہہ کر بھی نہ کوئی لب کشائی
تیرے ہر ستم میں کرم کی بُو ہی آتی ہے

میں جہاں ہوں تو وہاں ہے یہ عجیب سا بندھن ہے
میرے ہر نَفَس میں تو ہے ہر سانس یہ بتلاتی ہے

میرا ہر پل تیری یاد ہی میں تو گزرتا ہے
تیری ہی یاد تو دل کو بھی چین دِلاتی ہے

تیرے ہی تو تصور میں شب و روز گزرتے ہیں
نہ ہو تیرا تصور تو یہ بے چینی بڑھاتی ہے

نہ اثر کو قیس سے مطلب نہ جنوں بھی ہے کوئی
جو ہو سچی طلب تو محبت دل میں سماتی ہے

Rate it:
Views: 276
26 Oct, 2022
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets