یوں روز روزآئے کیٔ سال ہوگئے

یوں روز روزآئے کیٔ سال ہوگئے
آ کر قریب پائے کیٔ سال ہوگئے

رہ رہ کے آ رہی ہے خدا جانے کس کی یاد
دیکھا ہے وہ سجائے کئی سال ہوگئے

چمکا ہے چاند آج در و بام پر اگر
چہرے پہ مسکرائے کئی سال ہو گئے

تُو عشق ہے تُو دل کے جزیرے میں قید رہ
پایا نہ دل بہائے کیٔ سال ہوگئے

سردی تمہاری یاد ہے اور اس کے ساتھ ساتھ
چائے کوئی پلائے کئی سال ہوگئے

اک شام میرے نام تو کر دیجیے حضور
اس دل کو ہسنائے کئی سال ہوگئے

رکھی ہے آپ نے یہاں کانٹوں سے دوستی
وشمہ ہے مسکرائے کئی سال ہو گئے