Add Poetry

تیغِ ستم

Poet: Muhammad Faisal By: Muhammad Faisal, Karachi

ہماری خاطر یہاں پہ یارو کسی کو کوئی الم نہ ہوتا
اگر ہمارا مذاقِ شستہ کسی پہ تیغِ ستم نہ ہوتا

یہ مانا ہم ہی یہاں برے ہیں یہ مانا سب ہی یہاں بھلے ہیں
ہمارے ہونے سے سب کو غم ہے جو ہم نہ ہوتے تو غم نہ ہوتا

یہاں پہ رہ کے تو ہم نے دیکھا کہ ہم سے رہتے ہیں سب ہی نالاں
یہی بجا تھا کہ ہم نہ ہوتے تو شکوۂ ہائے الم نہ ہوتا

انا کی دیوار کو گرا کر وفا کی راہوں پہ چلنا سیکھا
اگر ہماری وفا نہ ہوتی کسی کا قائم بھرم نہ ہوتا

ہمارے دل پہ زخم وہ آئے کہ روح تک کانپ کانپ اٹھی
نشانِ ہستی بھی تم نہ پاتے اگر خدا کا کرم نہ ہوتا

Rate it:
Views: 252
03 Jan, 2018
Related Tags on Love / Romantic Poetry
Load More Tags
More Love / Romantic Poetry
Popular Poetries
View More Poetries
Famous Poets
View More Poets