مجھے جینے کا سہارا کر لو

 مجھے جینے کا سہارا کر لو
ساتھ میرا پھر تم گوارا کر لو

خطائیں سب بھلا دو میری
ساتھ میرے ہی تم گزارا کر لو

یہ دل جو سنبھالے پھرتے ہو
اسے پھر سے تم آوارہ کر لو

وہ جو رہ گیا دیکھنا باقی
اس کا بھی اب تم نظارہ کر لو

وقت دو اپنا مجھے سارا اور
آنکھوں کا اپنی تم تارا کر لو

جو چاہتے تھے، مل چکا سب
رشتوں سے اب تم کنارہ کر لو

جب بھی بلانا ہو چاہت سے
بس میری طرف تم اشارہ کر لو

مجھے کہہ دو اپنا پھر اور
محبت میں پھر تم خسارہ کر لو

توڑ دو پرانے سب رشتے ناتے
خود کو پھر سے تم ہمارا کر لو

مطلب یہ کہ مجھ سے عمراؔن
وہ پہلا سا عشق تم دوبارہ کر لو