یہ ہستی کا سفر لمحوں کی صورت

یہ ہستی کا سفر لمحوں کی صورت
ہر اک سانس یہاں بس زندگی ہے

جو آنکھوں کو فقط اک پل ملی تھی
وہ یادِ رَفتگاں اک زندگی ہے

اندھیروں سے گزر کر ہم نے جانا
چراغِ دل کی لَو ہی روشنی ہے

قدم بہکے تو منزل رُوٹھ جاتی
یہ دنیا کی رَوَش اَکثر کَج رَوی ہے

کہانی جو لہو میں لکھ رہے ہیں
ہماری داستاں اک مثنوی ہے

نہ دولت نے دیا دل کو سہارا
یہ شہرت بھی فقط اک دل لگی ہے

جو چاہت وقت کی زد میں نہ ٹوٹی
وہی احساس اصل عاشقی ہے

مظہرؔ یہ بات میں نے جان لی ہے
سبھی کچھ ہی یہاں پر عارضی ہے