Achay Kyun Lagtay Ho

Itni Moddat Baad Milay Ho
Kin Souchoun Main Goum Phirtay Ho

Itnay Khaif Kyun Rahtay Ho
Her Aahat Say Dar Jatay Ho

Taiz Hawa Nay Mujh Say Poucha
Rait Pay Kia Likhtay Rahtay Ho

Kaash Koi Hum Say B Pouchay
Raat Gaay Tak Kyun Jagay Ho

Main Darya Say B Darta Hon
Tum Darya Say B Gahray Ho

Kon C Baat Hai Tum Main Aase
Itnay Achay Kyun Lagtay Ho

Pechay Mor Kar Kyun Daikha Tha
Pathar Ban Kar Kia Taktay Ho

Jao Jeet Ka Jashan Manaoo
Main Jhouta Hon ,Tum Sachay Ho

Apnain Shahir K Sab Logon Say
Mairi Khatir Kyun Oljhay Ho

Kahny Ko Rahtay Ho Dil Main
Phir B Kitnay Door Kharay Ho

Raat Humain Kuch Yaad Nhn Tha
Raat Bht He Yaad Aaye Ho

Hum Say Na Poucho Hijar K Qissay
Apni Kaho Ab Tum Kaisay Ho

Mohsin Tum Badnaam Bohat Ho
Jaisay Ho Phir B Achay Ho