Band Kamre Mai

Band Kamre Mai Mere Khat Jalaya Na Kijiye
Yaad Aata Hun To Aane Dijiye Bhulaya Na Kijiye

Baat Baat Pe Youn Roothna Bhi Theek Nahi
Humaare Sabr Ko Iss Tarha Aazmaya Na Kijiye

Miyan Hum Chehron Se Dil Ka Haal Jaan Jaate Hain
Humaare Saamne Bewajha Muskuraya Na Kijiye

Aur Bhi Honge Aapki Mohabbat Ke Haqdaar
Ek Humi Pe Ye Ilzaam Lagaya Na Kijiye

Meri Hawaaon Se Darkhaast Se Agar Maane
Mere Ghar Ke Jo Charaag Hain Unhe Bujhaya Na Kijiye

Mujhe Pasand Hai "Shams" Tapti Hui Dhoop Ka Saath
Ae Badalon Mere Sar Pe Youn Saya Na Kijiye