Bey Basi

Ghar Maum Ka Pehleh To Banaaya Nahin Jata
Bann Jaaye To Suraj Sey Bachaaya Nahin Jata

Marzi Hai Samundar Ki Dubbo De Ya Bachaa Ley
Takkat Pe Koi Hukamm Chalaaya Nahin Jata

Mein Apney Gareeban Mein Agar Dekhoon To Mujh Sey
Ilzaam Kissi Par Bhi Lagaaya Nahin Jata

Mill Jaaye Agar Peissa To Uthaa Letey Hein Pull Bhi
Insaane Gira Hum Sey Uthaaya Nahin Jata

Sachayi Ko Yeh Jhoot Bhala Keissey Mitaaye
Phoonkon Sey To Khursheed Bhujaaya Nahin Jata

Abb Baat Nahin Aahoon Ki Cheekhon Ki Hai Dost
Abb Mujh Sey Mera Dard Chupaaya Nahin Jata