Chahiye Tha

Humen Bhi Aashiyan Apna Banana Chahiye Tha
Ke Iss Bikhray Huay Dil Ko Thikana Chahiye Tha

Agar Maqsood Tha Dil May Usay Mehman Rakhna
Tau Iss Veeran Say Ghar Ko Sajana Chahiye Tha

Judai Ki Gharhi Ik Baar Uss Nay Murh Ke Dekha
Humay Ik Baar Tau Usko Bulana Chahiye Tha

Kami Thi Waqt Ki Shayad Na Mil Payee Usay Fursat
Ye Dard e Dil Sunanay Ko Zamana Chahiye Tha

Bicharhnay Jub Lagay Hum Wo Bhi Shayad Bhool Baitha
Koee Wada Tau Usko Bhi Nibhana Chahiye Tha

Kisi Ki Bewafayee Ka Na Kar Zeeshan Shikwa
Ke Aisa Waqt Tau Tujh Pe Hi Aana Chahiye Tha