Chahtaa Hoon

Teri Koshish Teri Tadbir Hona Chahtaa Hoon
Main Teray Haath Ki Tehrir Hona Chahtaa Hoon

Too Meray Paas Aay Aur Palat Kar Na Jay
Main Teray Paaon Ki Zanjeer Hona Chahtaa Hoon

Mujay Aadat Nahi Ab Doosroon K Mashwroon Ki
Main Khud Bhi Sahb-E-Taqdir Hona Chahtaa Hoon

Azal Say Khawab Ban Kar Teri Aankhoon Main Raha Hoon
Main Ab Sharminda-E-Tabir Hona Chahtaa Hoon

Main Es Liay Mismar Khud Ko Kar Raha Hoon
K Taray Haath Say Tamir Hona Chahtaa Hoon