Chehra....

Aaj Veeraney Hain Ankhon Mein
Ek Dard Utha Hai Chehrey Per
Jaisey Barson Ne Karwat Li
Silwat Si Bichaa Di Chehrey Per

Ab Bhuli Basri Yadon Se
Rishta Sa Jurney Wala Hai
Kisi Gehrey Soz Ki Saazish Hai
Parda Sa Gira Hai Chehrey Per

Bheegi Nazron Ke Gharon Mein
Beetey Maazi Ke Pehrey Hai
Kuch Pal Baithon Iss Chaya Mein
Jala Sa Para Hai Chehrey Per

Ahbab Ki Mehfil Me Sarey
Afraad Pareshan Lagtey Hai
Hairaan Se Mjhko Taktey Hain
Kya Mere Likha HaiChehrey Per?

Aise Toh Mjhy Dekha Na Karo
Hasrat Mein Meri Uljha Na Karo
Yun Jalney Se Toh Acha Hai
Ek Daagh Laga Do Chehrey Per!