Dill-E-Be-Amaa'n Naa Sataao Phir Humhen

Dill-E-Be-Amaa'n Naa Sataao Phir Humhen
Sargoshiya'n Uss Ki Naa Sunao Phir Humhen.

Abhi Urooj Pay Hai Udaasi Aur Dard Say Shanasi
Kuch Pal Ko Thehar Jaao Behlaao Phir Humhen.

Hum Kitnay Aziz Hain Tum Say Kareeb Hain
Mill Kar Tum Kabhi Batao Phir Humhen.

Sazawaar-E-Muhabat Hain Hum Talib Wafao'n K
Dill Ki Sachaio'n Say Nibhaao Phir Humhen.

Muhabato'n Say Meray Gham Ki Nafi Karo Tum
Amar Kar Do Ya Mittao Phir Humhen.

Shayed K Lout Aao Tum Bhi Kisi Roz
Shayed K Muntazir Naa Paao Phir Humhen.

Mumkin Hai Aankho'n Mein Hun Tumharay Madawaten
Mumkin Hai Tashna Lab Naa Paao Phir Humhen.

Tumhen Faslo'n Ki Talab Humhen Qurbato'n Mein Qarar
Wajib Hain Faslay Tu Bhoolaao Phir Humhen.

Utro Kabhi Meray Dill Ki Weeranio'n Mein
Lazim Hai Choorr Kar Naa Jaao Phir Humhen.

Hum Routh Rahay Hain Aaj Phir Amber
Aao K Lout Kar Manaao Phir Humhen.