Har Waqt Tumhara Hi Nasha Hai

Har Waqt Tumhara Hi Nasha Hai
Ye Muhabbat Karne Ki Saza Hai

Takleef Har Mor Par Hai
Aziat Mein Alag Maza Hai

Tumhari Hi Kavishon Ka Ajar Hai
Meri Piyari Si Ye Jaza Hai

Falak Ke Paar, Sitaron Ke Avuz
Sjada Shukraney Ka Abhi Tak Qaza Hai

Jab Se Samaye Ho Khayalon Mein
Bus Ishq Hai, So Khuli Fiza Hai

Har Khata Kar Dalun Mein
Par Shart Sirf Teri Raza Hai

Tum Mere Liye Misaal Ho
Ke Tumhara Izhaar Pakeeza Hai

Kuch Karey To Karey Kia Man
Bus Tera Hukum Meri Waja Hai

Ishq Ki Hukumat Hoti Mujh Pe
Khuda Lekin Us Se Bara Hai

Beej Kabhi Boya Tha Jahan
Ghana Sa Jangal Aaj Khara Hai

Noor E Muhabbat Se Roshan Jahan
Hua Laal Phoolon Se Bhara Hai

Farishton Ka Sa Lams Tumraha
Kia Kisi Insan Ne Jana Hai