Hijr Mosam Main

Hijr Mosam Main Ye Barish Ka Barasna Kesa
Ek Sehra Se Samandar Ka Guzarna Kesa

Ae Mere Dil Na Pareshan Ho Tanha Ho Kar
Woh Tere Sath Chala Kab Tha Bicharna Kesa

Log Kehten Hain Gulshan Ki Tabahi Dekho
Main To Veraan Sa Jungal Tha Ujarna Kesa

Dekhne Main To Koi Dard Bhi Nahi Dukh Bhi Nahi
Phir Ye Ankho Main Yun Ashko Ka Ubahrna Kesa

Bewafa Kehne Ki Jurrat Bhi Na Karna Uss Ko
Uss Ne Iqrar Kiya Kab Tha Mukarna Kesa