Is Mulaqaat Ka Intizaar

Is Mulaqaat Ka Intizaar Sadion Se Tha
Gaon Koochey Mein Jis Ka Charcha Sadion Se Tha

Tum Ko Pasand They Phool, To Khizaon Mein Bhi
Wajibi Sa Talluq Mera Kalion Se Tha

Teri Raanon Pe Sar Rakh K Sota Tha Mein
Mera Koi Khaas Rishta Un Takion Se Tha

Jis Apnayiat Ka Mein Tha Haq Daar Jan E Man
Wesa Bandhan Tumhara Sirf Sakhion Se Tha

Sajai Thin Chokhaten Chiraghon Se Mein Ne Aur
Laal Qaaleen Ka Tabadla Kia Pattion Se Tha

Is Maqaam Par Mein Aaj Tumhaarey Zariye Se Hun
Mere Zariye Ka Talluq Kitney 'Zariyon' Se Tha

Mujhey Tum Se Muhabbat Thi Aur Lagta Bhi Sahih Hai
K Kisi Zamaney Mein Wasta Mera Pariyon Se Tha

Jumley Bhi Na Sochey They Jo Kehney They Sameer
K Pehley Bhi Mukalma Kia Ankhiyon Se Tha