Koi Gham Hai Jo

Koi Gham Hai Jo Mere Payar Ke Manzar Main Rehta Hai
Koi Dukh Hai Jo Tere Wasl Ke Mehwar Main Rehta Hai

Koi Wajh-E-Judai Hai Jo Chahat Main Nahin Dhalti
Koi Rang-E-Jafa Hai Jo Wafa Ke Ghar Main Rehta Hai

Kisi Chunri Ke Chandon Main Gehan Ki Joat Jalti Hai
Koi Dilgir Angara Dil-E- Dilber Main Rehta Hai

Dil-E-Muztar Kee Dunya Main Kisi Jallad Ka Darr Hai
Magar Roshan Kiran Jaisa Koi Us Darr Main Rehta Hai

Kisi Kee Kan Kee Bali Ka Sona Jaise Peetal Hai
Ajab Ik Zang Ka Unsar Kisi Zaiver Main Rehta Hai