Kuch Nahin Milta

Kisi Ki Ankh Say Sapnay Chura Kar Kuch Nahin Milta
Mandir Masjid Say Chiragh Bujha Kar Kuch Nahin Milta

Hamari Soch Ki Parvaz Ko Rokay Na Koi
Naye Iflak Pay Pehray Bitha Kar Kuch Nahin Milta

Koi Ik Adh Sapna Ho To Phir Acha Bhi Lagta Hay
Hazaaron Khawab Aankhoon Mein Saja Kar Kuch Nahin Milta

Sukoon Un Ko Nahin Milta Kabhi Pardes Ja Kar Bhi
Jinhen Apnay Watan Say Dil Laga Kar Kuch Nahin Milta

Usay Kehna Kay Palkon Par Na Tankay Khowab Ki Jhhaalar
Samandar Kay Kinaray Ghar Bana Kar Kuch Nahin Milta