Main Apne Ashk Palkon Se Gira Deta To Acha Tha

Main Apne Ashk Palkon Se Gira Deta To Acha Tha
Main Is Darya Ko Dharti Pe Baha Deta To Acha Tha

Rahon Main Kab Talk Apne Badan K Chetharhay Seeta
Main Apna Sar Hi Tan Se Kar Juda Deta To Acha Tha

Main Apni Na Tawani Bhi Ghamoon Men Baant Deta To
Main Nisbat Maan Ki Bachoon Ko Sula Deta To Acha Tha

Main Ye Bhi To Na Kar PayaMain Us Ko Na Bhula Paya
Wo Mere Khat Mere Photo Jala Deta To Acha Tha

Na Kar Paya Main Izhar-E-Muhabbat Barmala Un Se
Usay Apni Ghazal Hi Main Suna Deta To Acha Tha

Tumhare Hath Par Main Ne Diya Tha Raat Ik Bosa
Main Us Se Mazarat Karta Bata Deta To Acha Tha

Ghira Rehta Hae'sarmad' Jugnouon Men Raat Bahr Leken
Wo Apni Band Muthi Bhi Dikha Deta To Acha Tha