Mein Har Mukaam Se Guzra

Mein Har Mukaam Se Guzra Teri Khushi K Liye
Raha Hon Waqf Hamesha Faqat Ussi K Liye

Jo Naghma Khalaq Huwa Saaz E Zindagi K Liye
Hein Uss Ki Saari Dhunein Apni Aagahi K Liye

Raah E Wafa Se Guzarna Koi Mazzak Nahi
Bohat Khattan Hai Yeh Manzil Kisi Aadmi K Liye

Naqoosh Chorta Jaon Mein Aadmiyat K Liye
Mera Wujood Zamanay Mein Ussi K Liye

Nigaah Jis Ko Hai Woh Hum Se Dars E Ibrat Le
Na Hum Hansi K Liye Hein Na Dil Lagi K Liye

Na Janay Aaj K Mahool Ko Huwa Kiya Hai
Taras Raha Hai Har Insaan Zindagi K Liye

Yeh Uss Ki Banda Nawazi Jo Mein Pasand Aya
Wagarna Sari Khudayee Thi Bandagi K Liye