Qasam

Teri Bikhri Huwi Zulfon Ki Qasam Khai Thi
Keh Teray Naam Ko Dil Main Saja Ke Rakh Loon Ga
Khwahishon Ki Tarah
Makhfi Sadaaon Ki Tarah
Ufaq,Shafaq Ki Tarah
Khushboo,Hawaaon Ki Tarah
Tujhay Saari Khudai Se Chhupa Ke Rakh Loon Ga
Keh Tu Khud Dhoond Na Pai Hayaat Bhar Khud Ko

Tu Meri Soch Ki Vussat Ke
Lakh Paar Sahi
Main Barg E Zard Ki Soorat Hoon
Tu Bahaar Sahi
Main Garm Ashk Hoon
Tu Sard Ghataaon Ki Tarah
Yeh Teray Wasl Ka Rishta
Napaaidaar Sahi
Main Tujhay Siskti Yaadain Bana Ke Rakh Loon Ga
Haan!! Faqt Tujh Ko Meri Jaan!
Yahi Soch Ker Hi
Main Ne Shab E Zindgi Main
Ik Shama Teray Soz Se Jalai Thi
Aur Faqat Yahi Nhin,Iss Ki Daaimi Ke Liyay
Teray In Larztay Honton Ki Qasam Khai Thi