Raastey

Hain Taveel Pathreeley Tjh Tk Aatey Sab Rastey
Choor Hogaye Saarey Jo Chaley Thay Deewaney

Iss Qadar Parastish Ki Aik Jalti Shamma Ki
Bad Naseeb Thay Sarey Jalney Waley Parwaney

Raat Bhar Tammanna Ki Rab Se Teri Fursat Ki
Ye Meri Jabeen Ke Bal Tere Likhey Afsaney

Apka Guzar Tha Kal Palki Mein Gulshan Se
Gul Ne Saarey Pi Daaley Jo Bharey Thay Paimaney

Aaj Chandni Mein Hun Kal Ki Kya Khaber Naina
Mujhsi Khak Ki Moorat Iss Bhanwar Ko Kya Jaaney