Rang-E-Wafa

Kisi Rooz Barish Main Ghar Sey Nikalna
Khizan Main Giray Tootay Patton Pe Chalna

Tapaknay Lagay Jab Darakhtoon Say Paani
Tumhain Yaad Aaye Gi Beeti Kahani

K Jab Ham Kisi Shaam Tum Say Milay Thay
Muhabbat K Rastoon Pe Ham Tum Chalay Thay

Teri Neeli Aankhon Main Rang-E-Wafa Tha
Kanwal Jheel Main Jaisy Khilney Laga Tha

Wo Sadiyun K Qissay Wo Batain Puraani
Karen Yaad Kyun Ker Wo Beeti Kahani

Chita Kaagzoon Ki Hai Kya Khoojtey Hoo
Bujhi Raakh Main Ab Kisay Dhoondtey Hoo

Gagan Pe Jo Chaai Thi Kis Nay Mita Di
Dhanak Saat Rangoon Ki Kis Nay Ura Di

Muhabbat Ki Shamma Jala Di Bujha Di
Ajab Ek Kahani Hai Rang-E-Wafa Ki