Sham O Saehr Wo Meri Rah Takti To Hogi

Sham O Saehr Wo Meri Rah Takti To Hogi
Intezar Mein Behqrari Badhti To Hogi

Jaise Mein Us Ki Yaad Mein Beqrar Hoon
Aise Wo Meri Yaad Mein Tadapti To Hogi

Sara Din Sehelion Ke Sath Guzarta Hoga
Raat Ko Hijhr Ki Aag Mein Jalti To Hogi

Eid Ke Din Apne Ghar Ki Baam Pe Jakar
Bar Bar Wo Meri Rah Takti To Hogi

Wo Baatein Jo Hamare Darmiyan Hoti Thi
Unhein Yaad Kar Ke Wo Hansti To Hogi

Jab Usey Asghr Ka Khyal Aata Hoga
Phir Wo Banti Sanwarti To Hogi