Tera Chehra Lagta Hai

Chaand Ko Dekha Sach Kehta Hoon
Tera Chehra Lagta Hai
Paani Mai Bhi Aks Tumhara
Thera Thera Lagta Hai

Mehfil Mehfil Tumsa Koi
Mujhko Nazar Aata Hi Nahi
Tumse Mujhko Apne Dil Ka
Rishta Ghehra Lagta Hai

Chodd Chuka Hoon Un Galiyon Ko
Jo Tum Tak Na Le Jaaye
Manzil Tum Ho Tum Bin To Har.
Khaab Andhera Lagta Hai

Deewano Ki Iss Basti Mai
Mujhko Khalifa Kehte Hain
Mujhko To Ye Bojh Sarasar
Aira Gaira Lagta Hai