Tu Mila Hai To

Kar Na Dunia-E-Gham Ke Hawaly Mujh Ko
Mein Tabassum Hun Tu Honthon Pe Saja Le Mujh Ko

Tu Mila Hai To Yehi Khof Laga Rehta Hai
Mera Milna Kisi Uljan Mein Na Daly Tujh Ko

Is Yaqeen Par Hi Andheron Mein Safar Jari Hai
Mil Hi Gain Ge Kisi Roz Ujaly Mujh Ko

Teri Nafrat Ne To Majboor Kia Jeene Par
Ab Tera Piyar Maar Na Daaly Mujh Ko

Be Niyazi Ka Ye Andaz Nahi Kuch Bhi Mohsin
Baat To Tab Hai Ke Tu Dil Se Nikaly Mujh Ko