Tum Ne Jo Baat Ki

Saaray Waadon Ko Bhula Sakta Hoon Lekin Rehne Do
Main Tumhen Chor K Ja Sakta Hoon Lekin Rehne Do

Tum Jo Har Mor Pe Keh Dete Ho ALLAH Hafiz
Faisla Main Bhi Suna Sakta Hoon Lekin Rehne Do

Woh Parinda Jo Ura Hai Mera Pinjra Le Kar
Main Usay Pakar K La Sakta Hoon Lekin Rehne Do

Tum Ne Jo Baat Ki Dil Ko Dukhane Wali
Us Pe Main Shair Suna Sakta Hoon Lekin Rehne Do

Sharam Aye Gi Tumhen Warna Tumhare Wadey
Main Tumhen Yaad Dila Sakta Hoon Lekin Rehne Doa