Wafa

Muhabat Se Inayat Se Wafa Se Chout Lagti Hai
Bhikarta Phool Hun Mujh Ko Hawa Se Chout Lagti Hai

Meri Ankhon Mai Ansoo Ki Tarha Ik Raat Aajaoo
Takaluff Se Banawat Se Aada Se Chout Lagti Hai

Main Shabnam Ki Zaban Se Phool Ki Awaz Sunta Hun
Ajab Ehsass Hai Apni Sadaa Se Chout Lagti Hai

Tujhe Khud Apni Majboori Ka Andaza Nahi Shayad
Na Ker Ehd-E-Wafa K Ehd-E-Wafa Se Chout Lagti Hai