Waqt
Poet: ..... By: m abbas, RaiwindKabhi Waqt Miley To Aa Jao
Hum Jheel Kinare Ja Baithain
Tum Apne Sukh Ki Baat Karna
Hum Apney Dukh Ki Baat Karain
Aur Un Lamhon Ki Baat Karain
Jo Sang Tumarey Beet Gaye
Un Sabz Ruton K Daman Mein
Hum Piyar Ki Khushbu Mehkayain
Un Bikhre Sab Nazaron Ko
Hum Ankhun Mein Tasveer Karain
Us Waqt K Doobtay Sooraj Ko
Hum Chahat Ki Jageer Karain
Phir Apne Piyar K Jadu Se
Hum Lamhon Ko Zanjeer Karain
Kabhi Waqt Miley To Aa Jao
Hum Jheel Kinare Ja Baithain
Rate it: 
Views: 473
07 Feb, 2008
More Love / Romantic Poetry
