آؤ ایک بار بچپن کی طرح کھیلیں

آؤ ایک بار بچپن کی طرح ہنسی کریں
ایک بار پھرسے جی بھر کے مستی کریں

چلو کھیلتے ہیں چور سپائی ہم
یا پھر کھیلیں چھپا چھپائی ہم

یا پکڑیں تتلیاں شاخوں سے
اور رستہ روکیں بانہوں سے

یا پکڑتے ہیں جگنو راتوں میں
یا پھر رنگ لگائیں ہاتھوں میں

چلو ندیا کے اس پار جائیں
یا بیٹھ کے پھولوں کے ہار بنائیں

یا پھر بیٹھیں کچے آنگن میں
اور کاغذ کے بنا کر جہاز اڑائیں

اگر کچھ نہیں کرنا تو آو اتنا تو کریں
روٹھیں اک دوجے سے اور ٹیڑھے میڑھے منہ بنائیں