آسان سی مشکل ہوں میں

روحِ رواں ہوں پیار کی میں جسم و جاں نہیں
نقشِ وفا اَنمٹ ہوں میں بے نشاں نہیں

سایہ سا تیرے ساتھ ہوں دل میں مچلتی لو ہوں
ہر سُو تُو مجھکو دیکھ لے میں کہاں نہیں

نہ آزمائش ہوں کڑی نہ راہ ہوں کٹھن
آسان سی مشکل ہوں میں کوئی امتحاں نہیں

خاموشیوں کے لب پہ ہوں مدہوش سا نغمہ
سوز و سرورِ ساز ہوں میں بے زباں نہیں

فصلِ جنوں کی رت ہوں میں دیوانگی بھی ہوں
بحرِ محبت میں کوئی موجِ نہاں نہیں