اُن ے سب کا بھلا نہیں ہوتا

اُن سے سب کا بھلا ۔۔۔۔نہیں ہوتا
بُت یقینا خدا ۔۔۔۔۔۔۔نہیں ہوتا

بھول جاؤں میں اُس کی باتوں۔ کو
مجھ سے یہ ساقیا ۔۔۔۔۔نہیں ہوتا

کاٹ ڈالوں میں ۔۔۔۔پیار کا رشتہ
اِس قدر حوصلہ۔۔۔۔۔ نہیں ہوتا

ہم فقیروں کے پاس ۔۔۔بھی بیٹھو
یاں کسی کا بُرا ۔۔۔۔۔۔نہیں ہوتا

پا لیا جس نے راز۔۔۔۔۔۔ ہستی کا
کبِر اُس میں ذرا ۔۔۔۔۔نہیں ہوتا

خون ہوتا ہے اب بھی دل ۔۔میرا
اَب یہ رنگِ حنا ۔۔۔۔۔نہیں ہوتا

جِس قدر دل میرا دھڑکتا ۔۔۔ہے
شور اِتنا بپا ۔۔۔۔۔۔۔۔نہیں ہوتا

اُن کو میری خبر۔۔۔۔ نہیں ہوتی
مجھ کو اُن کا پتہ ۔۔۔۔۔نہیں ہوتا

ہم تو مُجرم ہیں تیرے اے جاناں
جُرم کوئی روا ۔۔۔۔۔۔نہیں ہوتا

آپ کی بے وفائیاں ۔۔۔۔۔توبہ
کوئی اتنا بُرا ۔۔۔۔۔۔۔نہیں ہوتا

حُسن ہوتا ہے ۔۔۔زؤد رنج بہت
عشق لیکن۔۔۔۔ خفا نہیں ہوتا

حُسن گر دَین ہے خُدا کی۔۔ وسیم
عشق بھی شوقیہ۔۔۔۔ نہیں ہوتا