ایس دنیا چ ساڈا درد آشنا کوئی نہیں

ایس دنیا چ ساڈا درد آشنا کوئی نہیں
حالی تیکر ملیا سانوں دلربا کوئی نہیں

میرا روگ ایسا لا علاج ہویا اےسجناں
تیرےباجوں ہورکسےکول دوا کوئی نہیں

میری زندگی چ ہور وی بڑے جنجھال نیں
پر تیرےتوں دور رہن جئی سزا کوئی نہیں

کتھےجا کہ میں ڈھونڈاں اوس سجن نوں
جس دے گھردا میرےکول پتہ کوئی نہیں

تینوں ملنا یارا اصغر دے مقدر وچ نہیں
سانوں ایس گل دا تیرے تےگلہ کوئی نہیں