بات اچھی ہو تو کانوں کے حوالے کردو

بات اچھی ہو تو کانوں کے حوالے کردو
ورنہ ہر بات ہواؤں کے حوالے کردو

نظم کو نثر میں تبدیل اگر کرنا ہو
اپنے مفہوم کو لفظوں کے حوالے کردو

موت بھی دور سے کچھ دیر ٹھیرجائیگی
زندگی وار کے ماوں کے حوالے کردو

کامیابی تو قدم چومےگی ہر منزل پر
مذہبی سوچ کو بچوں کے حوالے کردو

خواب محنت سے حقیقت میں بدل جائینگے
اپنے مضبوط ارادوں کے حوالے کردو

اتنی پرواز بھی اچھی نہیں ہوتی شایانؔ
عرش کے خواب پرندوں کے حوالے کردو