بچھڑیں گے یاد شدت سے آیا کریں گے تم کو

بچھڑیں گے یاد شدت سے آیا کریں گے تم کو
ساون کا بن کے بادل رلایا کریں گے تم کو

دن بھر میری راہیں دیکھا کرو گے پیارے
شب بھر خواب بن کے ستایا کریں گے تم کو

آنکھوں میں کتنے موتی ٹپکیں گے یاد بن کر
پھولوں پہ بن کے شبنم سجایا کریں گے تم کو

بیٹھیں گے دور جا کر اور دیکھیں گے چوری چوری
ایسی اداؤں سے اکثر جلایا کریں گے تم کو

اب ہم نے بھی سیکھ لی ہے ادا روٹھنے کی
مناؤ گے پہلے ہم کو پھر منایا کریں گے تم کو

یادوں میں سہمے سہمے سانسوں میں ٹھنڈی آہیں
کلیوں کی اس ادا سے مہکایا کریں گے تم کو