تم۔۔۔۔۔۔۔۔۔

تم میرے لئے
اتنے عجیب ہو
جیسے گرمیوں کی چائے
جیسے سردیوں میں آئس کریم

اتنے دلفریب۔۔۔
جیسے دھنک کے ساتوں رنگ
جیسے ڈوبتا سورج

اتنے مسحور کن
جیسے ساحل کنارے اٹھتی لہریں
جیسے پورے چاند کی چاندنی

اتنےشفاف
جیسے سفید کنول کا پھول
جیسے کسی بچے کا دل

اتنے خوشنما
جیسے گرمیوں میں بارش
جیسے سردیوں میں دھوپ

اتنے پاک
جیسے خدا کی رحمت
جیسے سجدے میں مانگی گئی دعا

اور
اتنے اہم
جیسے دل کو دھڑکن
جیسے یہ چلتی سانسیں