تیری باتوں کی خوشبو سے میرے ہمدم محبت ہے(گیت حصہ دوم)

لڑکی
۔۔۔۔۔۔۔۔۔۔۔۔۔۔۔۔

تری باتوں کی خوشبو سے مرے ہمدم محبت ہے
ہمیشہ کے لیے ہو جاؤں تیری دل میں حسرت ہے

تجھے میں پیار کرتی ہوں تری خاطر سنورتی ہوں
تری صورت ، تری ہر اک ادا پہ میں تو مرتی ہوں

ترے ہی دم سے میری زندگی میں یہ مسرت ہے
ہمیشہ کے لیے ہو جاؤں تیری دل میں حسرت ہے

ترے قدموں پہ سر رکھ کے بتا دوں زندگی اپنی
لٹا دوں تیری چاہت پہ مری جاں ہر خوشی اپنی

محبت سے بھی بڑھ کے کیا کوئی دنیا میں دولت ہے ؟
ہمیشہ کے لیے ہو جاؤں تیری دل میں حسرت ہے

تری باتوں کی خوشبو سے مرے ہمدم محبت ہے
ہمیشہ کے لیے ہو جاؤں تیری دل میں حسرت ہے