جانے اِسے کیا کہئے جب سے اُسے دیکھا ہے

جانے اِسے کیا کہئے ۔۔۔۔جب سے اُسے دیکھا ہے
یہ سانس بھی چلتی ہے۔۔۔ یہ دل بھی دھڑکتا ہے
وہ پھول ہے خُوشبُو ہے۔۔۔ شبنم ہے کہ شعلہ ہے
وہ سب سے انوکھا ہے۔۔۔۔وہ سب سے نرالا ہے
وہ جام ہے مینا ہے۔۔۔۔۔۔ ساغر ہے کہ شیشہ ہے
اُس کی تو نگاہوں سے۔۔۔۔۔۔۔۔ میخانہ چھلکتا ہے
وہ نور کا پیکر ہے یا ۔۔۔۔۔۔۔۔۔۔۔۔نار سراپا ہے
وہ روشنیءِ جاں ہے ۔۔۔۔۔۔۔ہم نے تو یہ جانا ہے
وہ چاند ہے تارہ ہے ۔۔۔۔۔۔موتی ہے کہ ہیرہ ہے
کوئی دل سے میرے پوچھے ۔۔۔۔۔وہ کتنا پیارا ہے
جب سے میں نےدیکھی ہے لالی تیرے ہونٹوں کی
اِک آگ ہے سینے میں ۔۔۔۔شعلہ سا بڑھکتا ہے
جب سے میں نے دیکھی ہیں ۔وہ جھیل نما آنکھیں
یہ چشمِ رواں میری۔۔۔۔۔۔۔۔۔ بہتا ہوا دریا ہے
اُس زلفِ پریشاں کو ۔۔۔۔۔۔۔غارتِ گر اِیماں کو
اے شیخ جی سچ کہیُو۔۔۔۔۔۔کیا آپ نے دیکھا ہے
ہم دونوں میں اے جاناں۔۔۔ بس فرق ہے اِتنا سا
میں عشق کا نالہ ہوں۔۔۔۔۔۔۔ تو پیار کا نغمہ ہے
اِن ہجر کی راتوں میں۔۔ سب خواب تمہارے ہیں
یہ رُخ کی تمازت ہے ۔۔۔۔۔وہ زلف کا سایہ ہے
کچھ تیرگی زلفوں کی۔۔۔۔ کچھ روشنی آنکھوں کی
دن رات یہ اپنے ہیں۔۔۔۔۔۔۔ اپنی یہی دنیا ہے
لوگوں کی طرح تُو نے۔۔۔۔۔۔ اپنی ہی سنائی ہے
جو اُن پہ گزرتی ہے۔۔۔۔۔تُو نے کبھی پُوچھا ہے
کیسے تمہیں سمجھاؤں۔۔۔۔ کیا ہے یہ شکستِ دل
کلیوں کے چٹکنے کا ۔۔۔۔۔۔منظر کبھی دیکھا ہے
پلکوں پہ سجا لاؤ ۔۔۔۔۔۔۔گرنے تو نہ دو اِس کو
جو آنکھ پہ ہے اُس کی۔۔۔۔ قسمت کا ستارہ ہے
اے دوست یہ بتلاؤ۔۔۔۔۔کیا عشق کیا تُو نے
پھر عشق سے کیوں ہم کو۔۔۔۔ تُو اِتنا ڈراتا ہے
دنیاکے ہراِک دُکھ کا صرف عشق مداوا ہے
اِس کُفر کی ظُلمَت میں صرف عشق اُجالا ہے