جو مجھ سے ہو گے خفا میں تمھیں مناؤں گی(گیت حصہ اول)

لڑکی
۔۔۔۔۔۔۔۔۔۔۔۔۔۔۔

جو مجھ سے ہو گے خفا میں تمھیں مناؤں گی
ہمیشہ پیار سے اپنے گلے لگاؤں گی

تمھارے گھر کو میں جنت بناؤں گی اک دن
تمھاری ہوں یہ سبھی کو دکھاؤں گی اک دن

میں اپنے ہاتھوں کے کھانےتمھیں کھلاؤں گی
ہمیشہ پیار سے اپنے گلے لگاؤں گی

کبھی بھی تم سے نہ جھگڑا کروں گی پیسوں پر
گزارا کر لوں گی روٹی کے سوکھے ٹکڑوں پر

ہاں اچھی بیوی کی طرح سے گھر چلاؤں گی
ہمیشہ پیار سے اپنے گلے لگاؤں گی

اداس دیکھا ہنساؤں گی گدگدی کر کے
کروں گی تنگ بہت تم کو چٹکیاں بھر کے

تمھاری آنکھوں میں جھانکوں گی ،مسکراؤں گی
ہمیشہ پیار سے اپنے گلے لگاؤں گی

فروٹ چاٹ مری جان تم کھلا دینا
کبھی کبھار مجھے سیر بھی کرا دینا

بس اتنی بات پہ ہنس دوں گی ، گنگناؤں گی
ہمیشہ پیار سے اپنے گلے لگاؤں گی

جو مجھ سے ہو گے خفا میں تمھیں مناؤں گی
ہمیشہ پیار سے اپنے گلے لگاؤں گی