حسیں رت ہو صبا کی

حسیں رت ہو صبا کی نازکی ہو گستاں ہو تم
وفا کی داستاں جانِ ادا حسنِ جہاں ہو تم

حقیقت شعلہ رخ تیری بھلا میں کیوں بتاؤں نہ
تیرے جلووں کے سائے میں کہیں جل ہی جاؤں نہ

تمہارے حسن کے گل رخ شرارے ہیں کہ انگارے
مگر کیوں شبنمی پھولوں کو آنکھوں سے لگاؤں نہ

میری رگ رگ میں رقصاں ہو میری دھڑکن رواں ہو تم
وفا کی داستاں جانِ ادا حسنِ جہاں ہو تم

کرشمہ ہے محبت کا صنم یا معجزہ دل کا
کوئی جادو نگر لگتا ہے تیرا آئینہ دل کا

دھنک کے رنگ دیکھے ہیں گھلے آنکھوں کی مستی میں
بہک جائے کہاں جانے نہیں کوئی پتہ دل کا

گروں آغوش میں تیری کہ اک دریا رواں ہو تم
وفا کی داستاں جانِ ادا حسنِ جہاں ہو تم