دل تیری یادوں کا جہاں ہے جاناں

دل تیری یادوں کا جہاں ہے جاناں
پانی پانی آنکھوں کی زباں ہے جاناں

ہر اجالا تیری قسمیں کھا کے بولا
چودھویں شب تو تیرا ایک نشاں ہے جاناں

آجا آجا درد دل کے مسیحا آ جا
نکل نہ جائے آخر یہ جاں ہے آجا

تیری آنکھوں میں ڈوب کر مر جائیں ہم
خوبصورت اک یہی تو ارماں ہے جاناں

میں بہاروں کا پجاری ہوں آوارہ طائر
میرا ٹھکانہ تو کھلا آسماں ہے جاناں

اپنی زلف پریشاں کا سبب تو دیکھو
ساری دنیا خامشی کا نشاں ہے جاناں

مجھ کو دیتا ہی نہیں اور سہارا کوئی
دشمن زمانے میں اب تو کہاں ہے جاناں