Add Poetry

زندگی بڑی تلخ ہے

Poet: Sajid Awan By: Sajid Manzoor Awan, Islamabad

زندگی بڑی تلخ ہے کوئی خواب سہانہ تو نہیں
میری بات مان میں اپنا ہوں بیگانہ تو نہیں

تو چاہتا ہے حالات کو بھی مرضی کے تابع
زندگی ہے میری جان کوئی دل دیوانہ تو نہیں

یہ گزر ہی جاتے ہیں ظالم جوانی کے چار دن
ناز نا حسن پر کر ٹھہرا کوئی زمانہ تو نہیں

آجاتےہیں جو نئے چہرے تیرے در پہ روز
ڈر ہے مجھے دل تیرا کوئی مئے خانہ تو نہیں

عادت بدل اتنے لوگوں کو پاس بلایا نہ کر
دل تو دل ہے میری جان مسافر خانہ تو نہیں

سنبھال خود کو ورنہ تو بھی بکھر جائے گا
سیدھی بات ہے میری جان کوئی افسانہ تو نہیں

ممکن نہیں کبھی بھی کہ بھر جائے محبت سے
یہ تو گہرائی دل ہے ساجد کوئی پیمانہ تو نہیں

Rate it:
Views: 627
19 Aug, 2009
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets