شکوہ

سانسیں چلیں تو شکوہ کروں
گر سانسیں رکیں تو شکوہ کروں

آج کی رات بھی کاٹے نہ کٹی
یہ راتیں نہ کٹیں تو شکوہ کروں

بےچینی نے چُپ طاری کر دی
جو لب نہ کھلیں تو شکوہ کروں

کوئی سبب نہ ملا بےچینی کا
وجوہات نہ ملیں تو شکوہ کروں

اتنی تنہائی کی عادت نہ تھی
راتیں تنہا کاٹیں تو شکوہ کروں

تنہا خود سے کلام کرتی ہوں
اب دیوانہ کہیں تو شکوہ کروں

مرض نے بدن جنجھوڑ ڈالا ہے
یوں زندہ رکھیں تو شکوہ کروں

ہر حکیم کی دوا لے چکی ہوں
بیماریاں نہ ٹلیں تو شکوہ کروں

اس اپنی مدد آپ کے بعد بھی
شفاء نہ بخشیں تو شکوہ کروں