مجھے جانا بھلا دو نا

میرا ایمان ہے جانا
کہ جب تم اپنی اک دنیا بسا لو گے

تم اپنے سبھی سپنوں کی
حسیں تعبیر پا لو گے

جسے چاہتے ہو تم ہر پل
جب اس سجنی کے سنگ اپنی
حسیں دنیا بسا لو گے

جو تم نے رب سے مانگا ہے
وہ سب مل جائے گا تم کو

تیری دنیا پہ اے جانا
میرا سایا نہیں ہوگا

مگر مجھ کو یقیں یہ ہے
کہ جب بھی دیکھو گے تنہا
مجھے خوش میری مستی میں

میرا ایمان ہے جانا
تمہیں محسوس یہ ہوگا

میں تم سے پیار کرتی تھی
میں تم سے پیار کرتی ہوں

تبھی اب بھی اکیلی ہوں
تو شاید ایک لمحے کیلیے
تم بھی مجھے سوچو

میرے نزدیک آکر تم
بڑے ہی مان سے بولو

مجھے جانا بھلا دو نا
تم اپنا گھر بسالو نا