محبت ہوگئی ہے

جب تم بے بات مسکرانے لگو
زبان پر نغمے خوشی کے لانے لگو
تمہارے ارد گرد سب کچھ اچھا ہو

تمہارا ہر قول سچا ہو

کسی کا نام سن کر چہرہ بدل جائے
دل میں خوشی کا پھول کھل جائے
جب محفل میں کھو جاؤ کہیں
کسی کے خیالوں میں سو جاؤ کہیں
آتے جاتے گنگنانے کو جی چاہے
کسی کی طرف جانے کو جی چاہے

کچھ لکھ کر مٹا دو
رات کو دیا جلادو

چاند کے ساتھ باتیں کرو
جاگ جاگ کر بسر راتیں کرو
پیش لفظوں کی سوغات کرو
ہر بات میں اسی کی بات کرو
تو پھر
سمجھ لو کہ
محبت ہوگئی ہے