مسکرانے کو چاہئے کچھ تو

مسکرانے کو۔۔۔۔۔ چاہئے کچھ تو
غم مٹانے کو۔۔۔۔ چاہئے کچھ تو

نہ سہی گل کوئی کلی ہی۔۔۔ سہی
زخم کھانے کو ۔۔۔چاہئے کچھ تو

گر نہیں چاند چاندنی۔۔۔ ہی سہی
جی جلانے کو ۔۔۔۔چاہئے کچھ تو

وہ تو غفلت شعار ہیں۔۔ اے دل
بھول جانے کو ۔۔۔چاہئے کچھ تو

اَپنی نظروں ہی کا ۔۔سہارا دے
غم اُٹھانے کو۔۔۔ چاہئے کچھ تو

اَپنی تصویر ہی مجھے ۔دے دے
گھر سجانے کو ۔۔۔چاہئے کچھ تو

نالہءِ غم اُنہیں پسند۔۔۔۔ نہیں
نغمہ گانے کو ۔۔۔۔چاہئے کچھ تو

اُن کی آنکھوں کا واسطہ۔ ساقی
ڈوب جانے کو ۔۔چاہئے کچھ تو

کاسہءِ دل نکال۔۔۔ سینے سے
مے پلانے کو۔۔۔ چاہئے کچھ تو

بو رہا ہوں میں ۔خون کے آنسو
گل کھلانے کو۔۔۔ چاہئے کچھ تو

در تیرا چھوڑ کر۔۔ کہاں جائیں
سر جھکانے کو ۔۔۔چاہئے کچھ تو

عشق میں ہم نہیں زیادہ طلب
دل لگانے کو ۔۔۔چاہئے کچھ تو

زہر بھی مفت میں ۔نہیں ملتا
زہر کھانے کو۔۔ چاہئے کچھ تو

گھر بُلا کرتُو گالیا ہی ۔۔۔دے
اِس دیوانے ۔۔ چاہئے کچھ تو

بن کے بیٹھو ہوسنگِ راہ وسؔیم
راہ دکھانے کو ۔چاہئے کچھ تو