میرے اور تمہارے لیے دعا

میں نے خدا سے اک ادنیٰ سی دعا مانگی ہے
تیری زندگی کے بدلے اپنے لیے موت مانگی ہے

مبارک ہو تیرے لیے تیری زندگی کا ہر سفر
اپنے لیے تیرے قدموں کی خاک مانگی ہے

میرے حصے کی خوشیاں بھی تم کو مل جائیں
اپنے لیے تیرے حصے کی دھوپ مانگی ہے

شہرت پاؤ تم آسمان کی بلندیوں تک
اپنے لیے تیرے حصے کی نفرت مانگی ہے

تیرا وجود دنیا کے لیے بے مثال ہو جائے
اپنے لیے تیرے دیدار کی اک جھلک مانگی ہے

رونقیں نصیب ہوں تم کو دنیا بھر کی
اپنے لیے تیری یاد میں تنہائی مانگی ہے

قدم نہ ڈگمگائیں تیرے کتنے ہی نازک حالات ہوں
اپنے لیے بس تیری سلامتی کی دعا مانگی ہے

دنیا بھر کی ساری وفائیں تیرا مقدر بن جائیں
اپنے لیے تیرے حصے کی بے وفائی مانگی ہے