Add Poetry

میرے محبوب کو یوں مجھ پہ بہت پیار آیا

Poet: dr.zahid Sheikh By: Dr.Zahid Sheikh, Lahore Pakistan

مسکراتے ہوئے آغوش میں سو بار آیا
میرے محبوب کو یوں مجھ پہ بہت پیار آیا

آنکھوں آنکھوں میں بیاں کر دی محبت اس نے
لگ کے سینے سے لٹا دی سبھی چاہت اس نے
لے کے بہکے ہوئے لمحے مرا دلدار آیا
میرے محبوب کو یوں مجھ پہ بہت پیار آیا

گونج اٹھتی ہے خیالات میں اک شہنائی
پاس آتا ہے تو مٹ جاتی ہے سب تنہائی
اپنی سانسوں میں چھپائے ہوئے مہکار آیا
میرے محبوب کو یوں مجھ پہ بہت پیار آیا

ایسا لگتا ہے زمیں پر ہوں ستارے روشن
منتظر رہتا ہے اس کی ہی جھلک کو درپن
حسن بھی کہتا ہے کیا حسن کا شہکار آیا
میرے محبوب کو یوں مجھ پہ بہت پیار آیا

مسکراتے ہوئے آغوش میں سو بار آیا
میرے محبوب کو یوں مجھ پہ بہت پیار آیا

Rate it:
Views: 601
02 Mar, 2013
Related Tags on Love / Romantic Poetry
Load More Tags
More Love / Romantic Poetry
تُمہاری یاد میں دِل کا نِظام کس کا تھا تُمہاری یاد میں دِل کا نِظام کس کا تھا؟
یہ اِضطراب، یہ شوقِ دَوام کس کا تھا؟
جو بے نَقاب ہوا خواب میں، بتایا نہیں،
یہ حُسن، یہ نگہِ خوش کَلام کس کا تھا؟
سَکوتِ شَب میں جو دِل کو جَلا گیا آخر،
چَراغ کون تھا، شُعلۂ خام کس کا تھا؟
تُمہارے بعد جو تَنہائی کا سَفر گُزرا،
ہر ایک موڑ پہ سایہ، سَلام کس کا تھا؟
جو لَب ہِلے نہ کبھی، اَشک بَن کے بَہتا رہا،
وہ غَم تُمہارا تھا یا میرا نام کس کا تھا؟
جو زَخم دے کے بھی چُپ تھا، وہ شَخص کیسا تھا؟
نہ پُوچھ مجھ سے، وُہی اِنتقام کس کا تھا؟
دھُواں تھا دِل میں، مَگر روشنی سی باقی تھی،
جَلا جو خواب، وُہی احتشام کس کا تھا؟
جو زِندگی کو بِکھرنے سے روک لیتا تھا،
وہ حَرف، وہ دُعا، وہ کَلام کس کا تھا؟
سُنے بغیر جو خاموش ہو گیا مظہرؔ،
وہ آخری سا دِل آشوب جام کس کا تھا؟
نَظر میں عَکس رہا، دِل میں چُپ سا طُوفاں تھا،
یہ بے قَراری، یہ وَجد و قیام کس کا تھا؟
جو دَستِ غیر سے خط بھی ملا تو حَیرت تھی،
بِکھرتے حَرف میں وہ اِحترام کس کا تھا؟
کہیں سے آئی صَدا، اور سَب لَرز سے گئے،
یہ کَیف، یہ اَثر، یہ پَیام کس کا تھا؟
تُمہیں جو کہتے ہیں مظہرؔ وَفا سے دُور ہوا،
بَتاؤ ان کو، وُہی تو غُلام کس کا تھا؟
MAZHAR IQBAL GONDAL
Popular Poetries
View More Poetries
Famous Poets
View More Poets