میرے من درپن میں

یہ کون سمایا جاتا ہے میرے من درپن میں
یہ کون اترتا جاتا ہے میرے من آنگن میں

یہ کون جو میرے جیون میں
کسی خواب کی مانند آتا ہے

کسی خواب کی مانند آ کر کے
کسی خواب کی مانند جاتا ہے

گر ایسا ممکن ہو جائے
جو خواب نظر میں آتا ہے

وہ خواب حقیقت ہو جائے
وہ خوابوں میں آنے والا
میرے جیون میں آ جائے

جو سندر روپ سماتا ہے میرے من درپن میں
جو روپ اترتا جاتا ہے میرے من آنگن میں

یہ کون سمایا جاتا ہے میرے من درپن میں
یہ کون اترتا جاتا ہے میرے من آنگن میں