میں یہ سوچُوں تو مِرے ہوش نِکَل جاتے ہیں

میں یہ سوچُوں تو مِرے ہوش نِکَل جاتے ہیں
جانے کیوں لوگ یہ پَل بَھر میں بَدَل جاتے ہیں

ہے دیا مُجھکو یہی ڈُوبتی ناؤ نے سَبَق
عَزم پُختہ ہوں تو طُوفان بھی ٹَل جاتے ہیں

ایسا کیا ہے تیری لَو میں مُجھے شمع تُو بَتا
سوچے سَمجھے بِنا پَروانے جو جَل جاتے ہیں

میرے اَشعار میں جب بھی تیرا نام آ جاۓ
جانے کیوں پِھر میرے اَلفاظ مَچَل جاتے ہیں

میں بَھلا کیسے تِرے ہِجر میں مَر سکتا ہوں
بَند پِنجرے میں پرندے بھی تو پَل جاتے ہیں

جب تِرا اِسم مُبارک کِسی لَب پَر آۓ
گِرتے گِرتے تِرے دِیوانے سنبَھل جاتے ہیں

ہمیں باقرؔ کِسی شَۓ کا بھی نہیں ہے لالَچ
بس تِرا ذِکر جو ہو جاۓ بہل جاتے ہیں