نئے دِنوں کے نئے سفر میں دھیان رکھنا

نئے دِنوں کے نئے سفر میں دھیان رکھنا
خاموش چُپ چاپ
کُچھ نہ کہتی اِن ساعتوں نے
سونپ ڈالے نئے تقاضے
رفاقتوں کے دھیان رکھنا

کہ اپنے حِصے کے سب تقاضے نبھاہنے ہیں
ساتھ چلتے ہوئے سفر میں
ہر اک ڈگر پر چاہتوں کے گُلاب رکھنا

ورق ورق اعتماد جس میں
حرف حرف میں ہو جانثاری
نئی خوشیاں نئے مناظر
نئی مثالیں نئے حوالے
بس ایک ایسی ہی محبتوں کی ،اک کتاب لکھنا
نئے دِنوں کے نئے سفر میں دھیان رکھنا